របាយការណ៍លទ្ធផលនៃវេទិកាអភិបាលកិច្ចអ៊ីនធឺណិតយុវជនកម្ពុជាឆ្នាំ២០២៥
វេទិកាអភិបាលកិច្ចអ៊ីនធឺណិតយុវជនកម្ពុជា (YIGF) ឆ្នាំ 2025 ត្រូវបានរៀបចំឡើងនៅថ្ងៃទី 7 ខែធ្នូ ឆ្នាំ 2025 ក្រោមប្រធានបទ “ពីអ្នកសិក្សាទៅជាអ្នកដឹកនាំ៖ ការពង្រឹងសមត្ថភាពយុវជនសម្រាប់អនាគតឌីជីថល”។ ក្នុងឆ្នាំទីបីនៃការរៀបចំ វេទិកានេះត្រូវបានរៀបចំដោយអង្គការទិន្នន័យអំពីការអភិវឌ្ឍ (ODC) គណៈកម្មការរៀបចំ គណៈកម្មការប្រឹក្សា និងក្រសួងប្រៃសណីយ៍ និងទូរគមនាគមន៍ ដោយមានវាគ្មិនចំនួន 18 នាក់ ចូលរួមក្នុង 6 សម័យប្រជុំ ដើម្បីពិភាក្សាលើប្រធានបទសំខាន់ៗ រួមមាន ឯកជនភាពទិន្នន័យ គម្លាតជំនាញឌីជីថល និងតួនាទីរបស់បញ្ញាសិប្បនិម្មិតក្នុងអនាគតឌីជីថលរបស់កម្ពុជា។
វេទិកានេះមានគោលបំណងសម្រេចបានដូចតទៅ៖
- អភិវឌ្ឍការយល់ដឹងរបស់មេដឹកនាំយុវជនអំពីការគ្រប់គ្រងអ៊ីនធឺណិត និងគំរូពហុភាគីនៃការបង្កើតគោលនយោបាយ។
- ជួយយុវជនកម្ពុជាអភិវឌ្ឍចំណេះដឹង និងការយល់ដឹងអំពីបញ្ញាសិប្បនិម្មិត រួមជាមួយជំនាញឌីជីថលប្រពៃណី ដើម្បីរួមចំណែកកាត់បន្ថយគម្លាតជំនាញឌីជីថល។
- លើកកម្ពស់សិទ្ធិលើទិន្នន័យ និងការការពារឯកជនភាព ស្របពេលសេដ្ឋកិច្ចឌីជីថលរបស់កម្ពុជាកំពុងមានការរីកចម្រើន។
- រៀបចំសម័យប្រជុំបែបអនុវត្តជាក់ស្តែង ដោយមានការណែនាំពីអ្នកជំនាញ និងអ្នកណែនាំមកពីវិស័យរដ្ឋាភិបាល វិស័យឯកជន និងសង្គមស៊ីវិល តាមរយៈសម័យប្រជុំប្រធានបទចំនួនប្រាំមួយ។
សម្រាប់របាយការណ៍លម្អិតស្តីពី YIGF Cambodia 2025 សូមចូលទៅកាន់តំណភ្ជាប់ខាងក្រោម៖
របាយការណ៍លទ្ធផល YIGF Cambodia 2025
ពីអ្នកសិក្សាទៅជាអ្នកដឹកនាំ៖ ការពង្រឹងសមត្ថភាពយុវជនសម្រាប់អនាគតឌីជីថល
YIGF Cambodia 2025 គឺជាការរៀបចំវេទិកាលើកទីបី ដែលបានបញ្ចប់ដោយការថ្លែងអំណរគុណយ៉ាងស្មោះស្ម័គ្រចំពោះក្រសួងប្រៃសណីយ៍ និងទូរគមនាគមន៍ ឯកឧត្តម ស៊ុន រ៉ាពីត លោក ធី ទ្រី ព្រមទាំងវាគ្មិន អ្នកស្ម័គ្រចិត្ត និងដៃគូទាំងអស់ ដែលបានចូលរួមគាំទ្រ និងធ្វើឱ្យព្រឹត្តិការណ៍នេះអាចប្រព្រឹត្តទៅបានដោយជោគជ័យ។ ចំណេះដឹង និងទស្សនៈដែលបានលើកឡើងក្នុងវេទិកានេះ នឹងបន្តចូលរួមណែនាំ និងជំរុញយុវជនកម្ពុជាឆ្ពោះទៅរកអនាគតឌីជីថលដែលមានសុវត្ថិភាព និងបរិយាបន្នជាងមុន។ យើងទន្ទឹងរង់ចាំស្វាគមន៍អ្នកទាំងអស់គ្នាម្តងទៀតនៅ YIGF Cambodia 2026។
សូមអរគុណសម្រាប់ការចូលរួមជាផ្នែកមួយនៃ YIGF Cambodia 2025!