យុវជនក្នុងការកសាងអ៊ីនធឺណិតប្រកបដោយសុវត្ថិភាព ភាពទទួលខុសត្រូវ និងបរិយាបន្ន

ក្រុមគោលដៅ

• យុវជនកម្ពុជាដែលមានអាយុចន្លោះពី ១៨ ដល់ ៣៥ ឆ្នាំ។
• និស្សិតសាកលវិទ្យាល័យ អ្នកជំនាញវ័យក្មេង និងអ្នកដែលមានសក្តានុពលជាអ្នកដឹកនាំ។
• បុគ្គលមកពីមជ្ឈដ្ឋានចម្រុះ រួមទាំងយុវជនមកពីសហគមន៍ដែលខ្វះតំណាង ដែលមានចំណង់ចំណូលចិត្តក្នុងការចូលរួមរៀបចំអនាគតនៃអ៊ីនធឺណិត។

លក្ខខណ្ឌនៃការជ្រើសរើស

• ត្រូវមានចំណាប់អារម្មណ៍ខ្លាំងលើបញ្ហាឌីជីថល និងអភិបាលកិច្ចអ៊ីនធឺណិត។
• អ្នកចូលរួមត្រូវប្តេជ្ញាចិត្តចូលរួមក្នុងវគ្គត្រៀមរៀបចំតាមអនឡាញមុនពេលព្រឹត្តិការណ៍ចាប់ផ្តើម។
• មានពេលវេលាគ្រប់គ្រាន់ក្នុងការចូលរួមពេញលេញក្នុងព្រឹត្តិការណ៍នេះ នៅថ្ងៃទី៣១ ខែតុលា ដល់ថ្ងៃទី១ ខែវិច្ឆិកា ឆ្នាំ២០២៦។
• បានបង្ហាញពីសក្តានុពលភាពជាអ្នកដឹកនាំ ឬមានបទពិសោធន៍ក្នុងការចូលរួមការងារសហគមន៍ ការតស៊ូមតិ ឬសកម្មភាពពាក់ព័ន្ធនានា។

អត្ថប្រយោជន៍ទទួលបាន

• ឱកាសក្នុងការកសាងបណ្តាញទំនាក់ទំនង៖ ចូលរួមជាមួយអ្នកពាក់ព័ន្ធចម្រុះ រួមមានអ្នកបង្កើតគោលនយោបាយ អង្គការសង្គមស៊ីវិល និងអ្នកដឹកនាំវ័យក្មេងដទៃទៀត ដើម្បីបង្កើតទំនាក់ទំនងដ៏មានតម្លៃសម្រាប់កិច្ចសហការនាពេលអនាគត។
• ការលើកកម្ពស់ការយល់ដឹង៖ ទទួលបានចំណេះដឹងស៊ីជម្រៅលើបញ្ហាសំខាន់ៗនៃអភិបាលកិច្ចអ៊ីនធឺណិត បញ្ញាសិប្បនិម្មិត (AI) ប្រកបដោយការទទួលខុសត្រូវ និងសិទ្ធិឌីជីថល តាមរយៈការរៀបចំតាមអនឡាញ ព្រមទាំងសិក្ខាសាលា កិច្ចពិភាក្សា និងកិច្ចសន្ទនានានា។
• ការផ្តល់អំណាច៖ អភិវឌ្ឍជំនាញ និងចំណេះដឹងចាំបាច់ ដើម្បីមានឥទ្ធិពលលើគោលនយោបាយឌីជីថលនៅថ្នាក់ជាតិ និងអន្តរជាតិ។ អ្នកចូលរួមនឹងទទួលបានសមត្ថភាពក្នុងការតស៊ូមតិ ដើម្បីអនាគតឌីជីថលមួយដែលមានសុវត្ថិភាព សន្តិសុខ និងបរិយាបន្ន។
• ការចូលរួមដោយឥតគិតថ្លៃ៖ ការចូលរួមគឺមិនមានការបង់ប្រាក់នោះទេ ហើយអ្នកចូលរួមនឹងទទួលបានអាហារថ្ងៃត្រង់ និងអាហារសម្រន់ក្នុងអំឡុងពេលព្រឹត្តិការណ៍។