អំពាវនាវឱ្យមានអ្នកជជែកវែកញែក

វេទិកាអភិបាលកិច្ចអ៊ិនធឺណិតយុវជនកម្ពុជាឆ្នាំ ​​២០២៦ ការប្រកួតជជែកដេញដោល

វេទិកាអភិបាលកិច្ចអ៊ិនធឺណិតសម្រាប់យុវជនកម្ពុជា (YIGF) 2026 នឹងរៀបចំការប្រកួតជជែកដេញដោល ក្រោមប្រធានបទ «យុវជនរួមគ្នាកសាងអ៊ីនធឺណិតប្រកបដោយសុវត្ថិភាព​ ទំនួលខុសត្រូវ និងបរិយាបន្ន»។ ការប្រកួតនេះមានគោលបំណងបង្កើតឱកាសសម្រាប់យុវជន និងនិស្សិតក្នុងការពិភាក្សា ផ្លាស់ប្តូរមតិយោបល់ និងចែករំលែកទស្សនៈលើបញ្ហាពាក់ព័ន្ធនឹងអភិបាលកិច្ចអ៊ីនធឺណិត និងបញ្ហាឌីជីថលដែលមានផលប៉ះពាល់ដល់អ្នកប្រើប្រាស់នៅកម្ពុជា ជាពិសេសយុវជន។

តាមរយៈការចូលរួមក្នុងការប្រកួតជជែកដេញដោលនេះ អ្នកចូលរួមនឹងមានឱកាសអភិវឌ្ឍជំនាញនិយាយជាសាធារណៈ និងជជែកដេញដោល ពង្រឹងការគិតវិភាគ និងសមត្ថភាពក្នុងការបង្ហាញទស្សនៈរបស់ខ្លួន ព្រមទាំងពិភាក្សាអំពីអភិបាលកិច្ចអ៊ីនធឺណិត និងបញ្ហាឌីជីថលជាមួយយុវជន និងអ្នកចូលរួមដែលមានចំណាប់អារម្មណ៍ដូចគ្នា។ ការប្រកួតនឹងរួមមានវគ្គបណ្តុះបណ្តាលការជជែកពិភាក្សា វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ ដើម្បីលើកកម្ពស់ការចូលរួម និងការផ្លាស់ប្តូរគំនិតប្រកបដោយអត្ថន័យក្នុងចំណោមយុវជនកម្ពុជា។

តារាងពេលវេលាកម្មវិធី

កាលបរិច្ឆេទ	កម្មវិធីសំខាន់ៗ
២៣ កញ្ញា ២០២៦	ថ្ងៃផុតកំណត់នៃការដាក់ពាក្យ (ម៉ោង ១១:៥៩ យប់)
០៣ តុលា ២០២៦	វគ្គបណ្តុះបណ្តាលស្តីពីការជជែកដេញដោល
១៨ តុលា ២០២៦	វគ្គបណ្តុះបណ្តាលស្តីពីការជជែកដេញដោល
៣១ តុលា ២០២៦	វគ្គពាក់កណ្តាលផ្តាច់ព្រ័ត្រ
០១ វិច្ឆិកា ២០២៦	វគ្គផ្តាច់ព្រ័ត្រ

ព័ត៌មានលម្អិតនៃការប្រកួត

• ប្រធានបទ៖ «អ៊ីនធឺណិតប្រកបដោយបរិយាបន្ន៖ ពលរដ្ឋឌីជីថល និងការចូលរួមរបស់យុវជន»
• កាលបរិច្ឆេទ៖ ៣១ តុលា – ០១ វិច្ឆិកា ឆ្នាំ២០២៦
• ទីតាំង៖ ភ្នំពេញ
• ទីកន្លែង៖ នឹងជម្រាបជូននៅពេលក្រោយ

លក្ខខណ្ឌជ្រើសរើស និងសិទ្ធិចូលរួម

• មានបរិញ្ញាបត្រ ឬកំពុងបន្តការសិក្សា
• មានការយល់ដឹងអំពីអភិបាលកិច្ចអ៊ីនធឺណិត និងប្រធានបទពាក់ព័ន្ធ
• អាចដាក់ពាក្យជាក្រុម ឬជាបុគ្គល។ សម្រាប់អ្នកដាក់ពាក្យជាបុគ្គល ក្រុមនឹងត្រូវបានបង្កើតឡើងដោយគណៈកម្មការរៀបចំ

អត្ថប្រយោជន៍

• អភិវឌ្ឍជំនាញនិយាយជាសាធារណៈ និងជជែកដេញដោល
• ពង្រឹងការគិតវិភាគ និងសមត្ថភាពក្នុងការបង្ហាញទស្សនៈ
• ទទួលបានឱកាសពិភាក្សាអំពីអភិបាលកិច្ចអ៊ីនធឺណិត និងបញ្ហាឌីជីថល
• ជួប និងផ្លាស់ប្តូរគំនិតជាមួយយុវជន និងអ្នកចូលរួមដែលមានចំណាប់អារម្មណ៍ដូចគ្នា
• វិញ្ញាបនបត្រកោតសរសើរ និងថ្លែងអំណរគុណ

ចុះឈ្មោះឥឡូវនេះ!

ចុះឈ្មោះខាងក្រោមឥឡូវនេះ! ឬចូលទៅកាន់តំណនេះ៖ Debate Participant Google Form